(مائرہ ارجمند) آج ہفتہ ہے جولائی کی 16 تاریخ عیسوی سال 2022، ذوالحج کی 16 اور قمری سال 1443 جبکہ 01 ساون اور دیسی کیلینڈر کا 2079 واں سال ہے۔
سندھ،بلوچستان، جنوبی پنجاب میں اکثر مقامات پر گرج چمک کے ساتھ بارش (کہیں کہیں موسلادھار بارش )جبکہ شمال مشرقی پنجاب، بالائی خیبرپختونخوا،کشمیر اورگلگت بلتستان میں چند مقامات پر تیز ہواؤں کے ساتھ مزید بارش کا امکان ۔
آلودگی کی بات کی جائے تو صورتحال میں بدتر ہے اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔
لاہور میں انارکلی بازار کا علاقہ 170 اے کیو آئی کے ساتھ پہلے جبکہ شاہدرہ 156 اے کیو آئی کیساتھ دوسرا آلودہ ترین علاقہ ہے ۔ ڈی ایچ اے فیز 8 اور گردونواح کے علاقے 166 اے کیو آئی کیساتھ تیسرے نمبر پر ہیں ۔
محکمہ موسمیات کے مطابق آنے والے 24 گھنٹوں کے دوران لاہور کا موسم ابرآلود رہے گا اور ہوا میں نمی کا تناسب 85 فیصد تک ہو چکا ہے ۔ آج زیادہ سے زیادہ درجہ حرارت 37 ڈگری سینٹی گریٖڈ اور کم سے کم 29 ڈگری رہنے کا امکان ہے۔
