شہر لاہور کا موسم،محکمہ موسمیات نے مون سون کے حوالے سے الرٹ جاری کردیا، راولپنڈی اور لاہور میں آج اربن فلڈنگ کا خطرہ
(مائرہ ارجمند) آج جمعرات ہے جون کی 16 تاریخ عیسوی سال 2022،16 ذی القعدہ اور قمری سال 1443 جبکہ 3 ہاڑ اور دیسی کیلینڈر کا 2079 واں سال ہے۔
محکمہ موسمیات نے مون سون کے حوالے سے الرٹ جاری کردیاہے راولپنڈی اور لاہور میں آج اربن فلڈنگ کا خطرہ ہے ۔
محکمہ موسمیات نے آج شام سے گرج چمک کے ساتھ پری مون سون بارشوں کی پیشگوئی کر دی۔محکمہ موسمیات کے مطابق 15 جون سے بحیرہ عرب سے نم ہوائیں ملک کے بالائی علاقوں میں داخل ہونے، اسلام آباد، راولپنڈی، مری، اٹک، چکوال، جہلم میں گرج چمک کے ساتھ بارش کا امکان ہے۔اس حوالے سے محکمہ موسمیات کی جانب سے پیشگوئی کی گئی کہ 15 جون سے ملک بھر میں موسلا دھار بارشیں ہوں گی، کشمیر اور گلگت بلتستان کے مختلف حصوں میں بارش برسے گی، چترال، دیر، سوات، ایبٹ آباد، کوہستان، مانسہرہ، کوہاٹ میں بارش متوقع ہے جبکہ بلوچستان کے مختلف حصوں میں بارش کا امکان ہے۔17 سے 19 جون کے دوران سکھر، لاڑکانہ، جیکب آباد میں بارش برسے گی، پری مون سون بارشوں کا سلسلہ 15 جون سے 23 جون تک وقفے وقفے سے جاری رہے گا۔
آلودگی کی بات کی جائے تو شہر میں آلودگی کی مجموعی صورتحال بہت بہتر ہے اورآج لاہور عالمی سطح پر آلودہ ترین شہروں کی فہرست میں 28 ویں نمبر پر ہے۔
لاہور کا مجموعی ائیر کوالٹی انڈیکس 59 ہے۔
لاہور میں قائد اعظم انڈسٹریل سٹیٹ اور کو ٹ لکھپت کا علاقہ اور اسکے گرد و نواح 155 اے کیو آئی کیساتھ پہلے ، ایچی سن کا لج مال روڈ اور گلبرگ 2 کا علاقہ 134 اے کیو آئی کیساتھ دوسرے نمبرپر جبکہ امریکی قونصل خانہ اور شملہ پہاڑی کے اطراف 117 اے کیو آئی کیساتھ شہر کا تیسرا آلودہ ترین علاقہ ہے،
محکمہ موسمیات کے مطابق آنے والے 24 گھنٹوں کے دوران لاہور میں بارش کی پیش گوئی کی ہے شہر کا زیادہ سے زیادہ درجہ حرارت 45 ڈگری سینٹی گریڈ اور کم سے کم 28 رہنے کا امکان ہے ۔ ہوا میں نمی کا تناسب48 فیصد رہے گا۔
