شہر لاہور کا موسم، بارش کا امکان، فضائی آلودگی میں لاہور دنیا بھر میں دوسرے نمبر پر

(اسیس علی) آج جمعرات ہے مارچ کی 16 تاریخ عیسوی سال 2023، شعبان کی 23 اور قمری سال 1444 جبکہ 03 چیت اور دیسی کیلینڈر کا 2080 واں سال ہے۔

روز ملک کے بیشترعلا قوں میں مطلع جزوی ابرآلود/ابرآلود رہنے کے علاوہ کشمیر، گلگت بلتستان، بالائی خیبر پختونخوا، جنوبی پنجاب، بلوچستان اور سند ھ میں آندھی/ تیز ہواوٗں اور گرج چمک کے ساتھ بارش کا امکان۔

آلودگی کی بات کی جائے تو حالات تھوڑے بہتر ہیں اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔

اپر مال کا علاقہ 424 اے کیو آئی کے ساتھ پہلے نمبر پر، سید مراتیب علی روڈ کا علاقہ 365 اے کیو آئی کیساتھ دوسرا آلودہ ترین علاقہ ہے۔ گڑھی شاہو کا علاقہ 256 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان جزوی طور پر ابر آلود رہنے کے ساتھ ساتھ 2 سے 3 بجے تک بارش رہنے کا امکان ہے۔ ہوا میں نمی کا تناسب 59 فیصد تک ہو چکا ہے ۔ آج زیادہ سے زیادہ درجہ حرارت 29 سینٹی گریڈ اور کم سے کم 18 ڈگریڈ رہنے کا امکان ہے۔