شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں پہلے نمبر پر

(مائرہ ارجمند) آج اتوار ہے اکتوبر کی 16 تاریخ عیسوی سال 2022، ربیع الاول کی 19 اور قمری سال 1444 جبکہ 02 کاتک اور دیسی کیلینڈر کا 2079 واں سال ہے۔

ملک کے بیشتر علاقوں میں موسم خشک جبکہ جنوبی علاقوں میں گرم رہے گا۔

آلودگی کی بات کی جائے تو حالات بدتر ہیں، فضائی آلودگی خطرناک سطح پر پہنچ چکی ہے اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

گلبرگ کی سید مراتب علی روڈ کا علاقہ 444 اے کیو آئی کے ساتھ پہلے جبکہ گلبرگ 2 کا علاقہ 439 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیض 1 کا علاقہ 404 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور کا آسمان صاف رہنے کا امکان۔ ہوا میں نمی کا تناسب 72 فیصد تک ہو چکا ہے ۔ آج زیادہ سے زیادہ درجہ حرارت 32 سینٹی گریڈ اور کم سے کم 23 ڈگریڈ رہنے کا امکان ہے۔