شہر لاہور کا موسم، آسمان صاف اور موسم گرم رہنے کا امکان، فضائی آلودگی میں لاہور دسویں نمبر پر

(مائرہ ارجمند) آج جمعہ ہے ستمبر کی 16 تاریخ عیسوی سال 2022، صفر کی 19 اور قمری سال 1444 جبکہ 2 اسو اور دیسی کیلینڈر کا 2079 واں سال ہے۔

ملک کے بیشتر میدانی علاقوں میں موسم گرم اورخشک رہے گا۔ تا ہم شمالی پنجاب ،بالائی خیبرپختو نخوا، گلگت بلتستان اورکشمیرمیں چند مقامات پر تیز ہواؤں اور گرج چمک کے ساتھ بارش کی توقع۔

آلودگی کی بات کی جائے تو حالات معتدل ہے اور آج لاہور دنیا بھر کے شہروں میں آلودگی کے اعتبار سے دسوے نمبر پر ہے۔

شاہدرہ کا علاقہ 174 اے کیو آئی کے ساتھ پہلے جبکہ انارکلی بازار کا علاقہ 153 اے کیو آئی کیساتھ دوسرا آلودہ ترین علاقہ ہے ۔ وینس ہاؤسنگ سوسائٹی کا علاقہ 153.5 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف اور موسم گرم رہنے کا امکان۔ ہوا میں نمی کا تناسب 75 فیصد تک ہو چکا ہے ۔ آج زیادہ سے زیادہ درجہ حرارت 33 سینٹی گریڈ اور کم سے کم 27 ڈگریڈ رہنے کا امکان ہے۔