شہر لاہور کا موسم، ابر آلود اور کئی علاقوں میں بارش کا امکان، ہوائی آلودگی میں کمی
(مائرہ ارجمند) آج بدھ ہے اگست کی 17 تاریخ عیسوی سال 2022، محرم کی 19 اور قمری سال 1444 جبکہ 01 بھادوں اور دیسی کیلینڈر کا 2079 واں سال ہے۔
سندھ،بلوچستان ، پنجاب، خیبرپختونخوا ،کشمیر اور گلگت بلتستان میں تیزہواؤں اور گرج چمک کے ساتھ بارش کا امکان۔ اس دوران کشمیر، سندھ، مشرقی بلوچستان ،بالائی/جنوبی پنجاب اور جنوبی خیبر پختو نخوا میں کہیں کہیں موسلادھار بارش کی توقع۔
آلودگی کی بات کی جائے تو حالات معتدل ہے اور آج لاہور دنیا بھر کے شہروں میں آلودگی کے اعتبار سے اکیسویں نمبر پر ہے۔
لاہور کا مجموعی اے کیو آئی یعنی ائیر کوالٹی انڈیکس 73 ہے۔
امریکی کاؤنسلیٹ اور گردونواح کا علاقہ 152 اے کیو آئی کے ساتھ پہلے جبکہ شاہدرہ کا علاقہ 133 اے کیو آئی کیساتھ دوسرا آلودہ ترین علاقہ ہے ۔ کوٹ لکھپت اور قائد اعظم انڈسٹریل اسٹیٹ کا علاقہ 119 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور آسمان ابر آلود اور کئی علاقوں میں وقفے وقفے سے بارش کا امکان ہے۔ ہوا میں نمی کا تناسب 74 فیصد تک ہو چکا ہے ۔ آج زیادہ سے زیادہ درجہ حرارت 32 سینٹی گریڈ اور کم سے کم 28 ڈگریڈ رہنے کا امکان ہے۔
