شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں دوسرے نمبر پر

(اسیس علی) آج منگل ہے جنوری کی 17 تاریخ عیسوی سال 2023، جمادی الثانی کی 24 اور قمری سال 1444 جبکہ 04 ماگھ اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اور خشک جبکہ بلوچستان ، بالائی خیبر پختونخوا ،کشمیراور گلگت بلتستان میں شدید سرد رہے گا ۔ تاہم شام/رات میں بلوچستان کے بیشتر اضلاع میں مطلع ابر آلود رہنے کے علاوہ مغربی اضلاع میں چند مقامات میں بارش کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔

ڈی ایچ اے فیز 8 کا علاقہ 487 اے کیو آئی کے ساتھ پہلے نمبر پر، شاہدرہ کا علاقہ 340 اے کیو آئی کیساتھ دوسرا آلودہ ترین علاقہ ہے۔ گڑھی شاہو کا علاقہ 299 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان۔ ہوا میں نمی کا تناسب 67 فیصد تک ہو چکا ہے ۔ آج زیادہ سے زیادہ درجہ حرارت 17 سینٹی گریڈ اور کم سے کم 02 ڈگریڈ رہنے کا امکان ہے۔