(مائرہ ارجمند) آج اتوار ہے جولائی کی 17 تاریخ عیسوی سال 2022، ذوالحج کی 17 اور قمری سال 1443 جبکہ 02 ساون اور دیسی کیلینڈر کا 2079 واں سال ہے۔
سندھ، بلوچستان اور جنو بی پنجاب میں کہیں کہیں گرج چمک کے ساتھ مزید بارش (چند مقامات پر موسلادھار بارش )جبکہ شمال مشرقی و و سطی پنجاب، بالائی خیبرپختونخوا، گلگت بلتستان ، کشمیر اور ملحقہ پہا ڑی علاقو ں میں چند مقا مات پر تیز ہواؤں اور گرج چمک کے ساتھ بارش کا امکان ۔
آلودگی کی بات کی جائے تو صورتحال میں بہتر ہے اور آج لاہور دنیا بھر کے شہروں میں آلودگی کے اعتبار سے دسویں نمبر پر ہے۔
لاہور کا مجموعی اے کیو آئی یعنی ائیر کوالٹی انڈیکس 82 ہے ۔
لاہور میں کوٹ لکھپت اور قائد اعظم انڈسٹریل اسٹیٹ کا علاقہ 153 اے کیو آئی کے ساتھ پہلے جبکہ شاہدرہ 152 اے کیو آئی کیساتھ دوسرا آلودہ ترین علاقہ ہے ۔ ایف سی کالج کا علاقہ 146 اے کیو آئی کیساتھ تیسرے نمبر پر ہیں ۔
محکمہ موسمیات کے مطابق آنے والے 24 گھنٹوں کے دوران لاہور کا موسم ابرآلود رہے گا اور ہوا میں نمی کا تناسب 78 فیصد تک ہو چکا ہے ۔ آج زیادہ سے زیادہ درجہ حرارت 32 ڈگری سینٹی گریٖڈ اور کم سے کم 28 ڈگری رہنے کا امکان ہے۔
