شہر لاہور کا موسم، آسمان آج صاف رہے گا، ہوائی آلودگی میں اضافہ

(مائرہ ارجمند) آج پیر ہے جولائی کی 18 تاریخ عیسوی سال 2022، ذوالحج کی 18 اور قمری سال 1443 جبکہ 03 ساون اور دیسی کیلینڈر کا 2079 واں سال ہے۔

سندھ اور بلوچستان میں کہیں کہیں گرج چمک کے ساتھ مزید بارش (چند مقامات پر موسلادھار بارش )جبکہ شمال مشرقی پنجاب، بالائی خیبرپختونخوا، گلگت بلتستان ، کشمیر اور ملحقہ پہاڑی علاقوں میں چند مقا مات پر تیز ہواؤں اور گرج چمک کے ساتھ بارش کا امکان ۔

آلودگی کی بات کی جائے تو صورتحال بدتر ہے اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔

لاہور کا مجموعی اے کیو آئی یعنی ائیر کوالٹی انڈیکس 161 ہے ۔

لاہور میں اپر مال کا علاقہ 199 اے کیو آئی کے ساتھ پہلے جبکہ کوٹ لکھپت اور قائد اعظم انڈسٹریل اسٹیٹ 187 اے کیو آئی کیساتھ دوسرا آلودہ ترین علاقہ ہے ۔ انارکلی بازار کا علاقہ 187 اے کیو آئی کیساتھ تیسرے نمبر پر ہیں ۔

محکمہ موسمیات کے مطابق آنے والے 24 گھنٹوں کے دوران لاہور کا موسم گرم رہے گا اور ہوا میں نمی کا تناسب 52 فیصد تک ہو چکا ہے ۔ آج زیادہ سے زیادہ درجہ حرارت 36 ڈگری سینٹی گریٖڈ اور کم سے کم 31 ڈگری رہنے کا امکان ہے۔