شہر لاہور کا موسم، بارش کا امکان، فضائی آلودگی میں لاہور دنیا بھر میں تیسرے نمبر پر

(اسیس علی) آج ہفتہ ہے مارچ کی 18 تاریخ عیسوی سال 2023، شعبان کی 25 اور قمری سال 1444 جبکہ 05 چیت اور دیسی کیلینڈر کا 2080 واں سال ہے۔

ملک کے بیشترعلا قوں میں مطلع جزوی ابرآلود رہنے کے علاوہ بالائی/جنوبی پنجاب، اسلام آباد، کشمیر، گلگت بلتستان، خیبر پختونخوا، مشرقی بلوچستان اور سند ھ میں آندھی/ تیز ہواؤں اور گرج چمک کے ساتھ بارش کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔

ایڈن کاٹیجز کا علاقہ 160 اے کیو آئی کے ساتھ پہلے نمبر پر، اپر مال کا علاقہ 160 اے کیو آئی کیساتھ دوسرا آلودہ ترین علاقہ ہے۔ جوہر ٹاؤن بلاک اے کا علاقہ 159 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان جزوی طور پر ابر آلود رہنے اور 2 سے 3 P.M تک بارش رہنے کا امکان ہے۔ ہوا میں نمی کا تناسب 73 فیصد تک ہو چکا ہے ۔ آج زیادہ سے زیادہ درجہ حرارت 23 سینٹی گریڈ اور کم سے کم 14 ڈگریڈ رہنے کا امکان ہے۔