شہر لاہور کا موسم، آسمان آبر آلود رہنے کا امکان، فضائی آلودگی میں لاہور دنیا بھر میں دوسرے نمبر پر

(مائرہ ارجمند) آج جمعہ ہے نومبر کی 18 تاریخ عیسوی سال 2022، ربیع الثانی کی 22 اور قمری سال 1444 جبکہ 4 مگھر اور دیسی کیلینڈر کا 2079 واں سال ہے۔

ملک کے بیشترعلاقوں میں موسم سرد اورخشک رہے گا۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔

گلبرگ کی سید مراتب علی روڈ کا علاقہ 438 اے کیو آئی کے ساتھ پہلے جبکہ شاہدرہ کا علاقہ 351 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 5 کا علاقہ 351 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان آبر آلود رہنے کا امکان۔ ہوا میں نمی کا تناسب 48 فیصد تک ہو چکا ہے ۔ آج زیادہ سے زیادہ درجہ حرارت 24 سینٹی گریڈ اور کم سے کم 15 ڈگریڈ رہنے کا امکان ہے۔