(مائرہ ارجمند) آج جمعہ ہے اگست کی 19 تاریخ عیسوی سال 2022، محرم کی 21 اور قمری سال 1444 جبکہ 03 بھادوں اور دیسی کیلینڈر کا 2079 واں سال ہے۔
سندھ، بلوچستان ،بالائی پنجاب، خیبرپختونخوا ،کشمیر اور گلگت بلتستان میں تیزہواؤں اور گرج چمک کے ساتھ بارش ۔ اس دوران بالائی سندھ اورمشرقی بلوچستان میں بعض مقامات پرموسلادھار بارش کی توقع۔
آلودگی کی بات کی جائے تو حالات معتدل ہے اور آج لاہور دنیا بھر کے شہروں میں آلودگی کے اعتبار سے دسویں نمبر پر ہے۔
لاہور کا مجموعی اے کیو آئی یعنی ائیر کوالٹی انڈیکس 93 ہے۔
شاہدرہ کا علاقہ 161 اے کیو آئی کے ساتھ پہلے جبکہ کوٹ لکھپت اور قائد اعظم انڈسٹریل اسٹیٹ کا علاقہ 155 اے کیو آئی کیساتھ دوسرا آلودہ ترین علاقہ ہے ۔ امریکی کاؤسلیٹ اور گردونواح کا علاقہ 152 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور آسمان ابرآلود رہے گا اور موسم گرم رہے گا۔ ہوا میں نمی کا تناسب 69 فیصد تک ہو چکا ہے ۔ آج زیادہ سے زیادہ درجہ حرارت 34 سینٹی گریڈ اور کم سے کم 28 ڈگریڈ رہنے کا امکان ہے۔
