شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں دوسرے نمبر پر

(اسیس علی) آج پیر ہے دسمبر کی 19 تاریخ عیسوی سال 2022، جمادی الاول کی 24 اور قمری سال 1444 جبکہ 05 پوہ اور دیسی کیلینڈر کا 2079 واں سال ہے۔

ملک کے بیشترعلاقوں میں موسم سرد اور خشک جبکہ شمالی علاقوں اور شمالی بلوچستان میں شدید سرد رہے گا۔ پنجاب کے میدانی علاقوں اور بالائی سندھ میں رات اورصبح کے اوقات میں دھند پڑنےکی توقع۔خطۂ پوٹھوہار میں صبح کے اوقات میں چند مقامات پر کہر پڑنے کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔

گلبرگ III کا علاقہ 618 اے کیو آئی کے ساتھ پہلے نمبر پر قائد اعظم انڈسٹریل اسٹیٹ کا علاقہ 566 اے کیو آئی کیساتھ دوسرا آلودہ ترین علاقہ ہے۔ظہور الٰہی روڈ، گلبرگ III کا علاقہ 531 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان۔ ہوا میں نمی کا تناسب 75 فیصد تک ہو چکا ہے ۔ آج زیادہ سے زیادہ درجہ حرارت 22 سینٹی گریڈ اور کم سے کم 8 ڈگریڈ رہنے کا امکان ہے۔