شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں دوسرے نمبر پر

(اسیس علی) آج جمعرات ہے جنوری کی 19 تاریخ عیسوی سال 2023، جمادی الثانی کی 26 اور قمری سال 1444 جبکہ 06 ماگھ اور دیسی کیلینڈر کا 2079 واں سال ہے۔

بلوچستان میں کہیں کہیں پر بارش اور پہاڑوں پر برفباری کا امکان جبکہ جنوبی علاقوں میں بعض مقامات پر تیز بارش کی توقع۔ بالائی خیبر پختونخواہ،کشمیر، گلگت بلتستان اورشمالی پنجاب میں گرج چمک کے ساتھ بارش اور پہاڑوں پر برفباری متوقع۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔

شاہدرہ کا علاقہ 347 اے کیو آئی کے ساتھ پہلے نمبر پر، کینٹ کا علاقہ 345 اے کیو آئی کیساتھ دوسرا آلودہ ترین علاقہ ہے۔ اپر مال کا علاقہ 308 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان۔ ہوا میں نمی کا تناسب 47 فیصد تک ہو چکا ہے ۔ آج زیادہ سے زیادہ درجہ حرارت 18 سینٹی گریڈ اور کم سے کم 09 ڈگریڈ رہنے کا امکان ہے۔