شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں نویں نمبر پر

(اسیس علی) آج اتوار ہے مارچ کی 19 تاریخ عیسوی سال 2023، شعبان کی 26 اور قمری سال 1444 جبکہ 06 چیت اور دیسی کیلینڈر کا 2080 واں سال ہے۔

خیبر پختونخوا، شمال/ مشرقی بلوچستان، جنوبی پنجاب، سندھ، کشمیراور گلگت بلتستان میں آندھی/ تیز ہواؤں اور گرج چمک کے ساتھ بارش کا امکان ۔ ملک کے دیگرعلا قوں میں مطلع جزوی ابرآلود/ابر آلود رہے گا۔

آلودگی کی بات کی جائے تو حالات بہتر ہیں لیکن ہوا اب بھی حساس لوگوں کے لیے غیر صحت بخش ہے اور آج لاہور دنیا بھر کے شہروں میں آلودگی کے اعتبار سے نویں نمبر پر ہے۔

کینٹ کا علاقہ 160 اے کیو آئی کے ساتھ پہلے نمبر پر، سید مراتیب علی روڈ کا علاقہ 157 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 8 آئیوی گرین کا علاقہ 154 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان جزوی طور پر ابر آلود رہنے کا امکان ہے۔ ہوا میں نمی کا تناسب 60 فیصد تک ہو چکا ہے ۔ آج زیادہ سے زیادہ درجہ حرارت 25 سینٹی گریڈ اور کم سے کم 15 ڈگریڈ رہنے کا امکان ہے۔