شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں پہلے نمبر پر

(مائرہ ارجمند) آج ہفتہ ہے نومبر کی 19 تاریخ عیسوی سال 2022، ربیع الثانی کی 23 اور قمری سال 1444 جبکہ 5 مگھر اور دیسی کیلینڈر کا 2079 واں سال ہے۔

ملک کے بیشتر بالائی علاقوں میں موسم سرد اور مطلع ابر آلود رہے گا۔ تا ہم گلگت بلتستان، کشمیر ،بالائی خیبر پختو نخوااور خطہ پوٹھوہار میں چند مقامات پرگرج چمک کے ساتھ بارش اور پہاڑوں پر برفباری کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

گلبرگ 2 بلاک کے کا علاقہ 441 اے کیو آئی کے ساتھ پہلے جبکہ علامہ اقبال ٹاؤن عمر بلاک کا علاقہ 392 اے کیو آئی کیساتھ دوسرا آلودہ ترین علاقہ ہے۔ گلبرگ کی سید مراتب علی روڈ کا علاقہ 391 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف اور دھوپ رہنے کا امکان۔ ہوا میں نمی کا تناسب 54 فیصد تک ہو چکا ہے ۔ آج زیادہ سے زیادہ درجہ حرارت 25 سینٹی گریڈ اور کم سے کم 16 ڈگریڈ رہنے کا امکان ہے۔