شہر لاہور کا موسم، شام تک بارش رہنے کا امکان، فضائی آلودگی میں لاہور دنیا بھر میں چالیسویں نمبر پر

(اسیس علی) آج جمعرات ہے اپریل کی 20 تاریخ عیسوی سال 2023، رمضان کی 29 اور قمری سال 1444 جبکہ 07 ویساکھ اور دیسی کیلینڈر کا 2080 واں سال ہے۔

ملک کے زیادہ تر علاقوں میں موسم خشک اور گرم رہے گا۔تاہم بالائی خیبرپختونخوا، کشمیر، گلگت بلتستان، اسلام آباد اور شمال/مشرقی پنجاب میں تیز ہواؤں اور گرج چمک کے ساتھ مزیدبارش اور چند مقامات پر ژالہ باری کا امکان۔

آلودگی کی بات کی جائے تو حالات بہتر ہیں اور آج لاہور دنیا بھر کے شہروں میں آلودگی کے اعتبار سے چالیسویں نمبر پر ہے۔

شاہدرہ کا علاقہ 95 اے کیو آئی کے ساتھ پہلے نمبر پر، اپر مال سکیم کا علاقہ 82 اے کیو آئی کیساتھ دوسرا آلودہ ترین علاقہ ہے۔ کینٹ کا علاقہ 80 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں شام تک تیز بارش اور رات کے وقت آسمان ابر آلود رہنے کا امکان ہے۔ ہوا میں نمی کا تناسب 30 فیصد تک ہو چکا ہے ۔ آج زیادہ سے زیادہ درجہ حرارت 32 سینٹی گریڈ اور کم سے کم 18 ڈگریڈ رہنے کا امکان ہے۔