شہر لاہور کا موسم، آسمان ابرآلود رہے گا اور بارش کا امکان، ہوائی آلودگی میں لاہور دسویں نمبر پر

(مائرہ ارجمند) آج ہفتہ ہے اگست کی 20 تاریخ عیسوی سال 2022، محرم کی 22 اور قمری سال 1444 جبکہ 04 بھادوں اور دیسی کیلینڈر کا 2079 واں سال ہے۔

شمال مشرقی بلوچستان، بالائی/جنوبی پنجاب، خیبرپختونخوا، بالائی سندھ، کشمیراورگلگت بلتستان میں تیزہواؤں اورگرج چمک کے ساتھ بارش۔ اس دوران مشرقی بلوچستان اوربالائی خیبرپختونخوامیں بعض مقامات پرموسلادھار بارش کی توقع۔

آلودگی کی بات کی جائے تو حالات معتدل ہے اور آج لاہور دنیا بھر کے شہروں میں آلودگی کے اعتبار سے دسویں نمبر پر ہے۔

لاہور کا مجموعی اے کیو آئی یعنی ائیر کوالٹی انڈیکس 95 ہے۔

شاہدرہ کا علاقہ 152 اے کیو آئی کے ساتھ پہلے جبکہ امریکی کاؤسلیٹ اور گردونواح کا علاقہ 151.5 اے کیو آئی کیساتھ دوسرا آلودہ ترین علاقہ ہے ۔ انارکلی بازار کا علاقہ 137 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور آسمان ابرآلود رہے گا اور موسم بارش کا امکان۔ ہوا میں نمی کا تناسب 62 فیصد تک ہو چکا ہے ۔ آج زیادہ سے زیادہ درجہ حرارت 34 سینٹی گریڈ اور کم سے کم 29 ڈگریڈ رہنے کا امکان ہے۔