شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں پانچویں نمبر پر

(اسیس علی) آج منگل ہے دسمبر کی 20 تاریخ عیسوی سال 2022، جمادی الاول کی 25 اور قمری سال 1444 جبکہ 06 پوہ اور دیسی کیلینڈر کا 2079 واں سال ہے۔

ملک کے بیشترعلاقوں میں موسم سرد اور خشک جبکہ شمالی علاقوں اور شمالی بلوچستان میں شدید سرد رہے گا۔ پنجاب ،خیبرپختونخوا کے میدانی علاقوں اور بالائی سندھ میں رات اورصبح کے اوقات شدید دھند پڑنےکی توقع۔خطۂ پوٹھوہار میں صبح کے اوقات میں چند مقامات پر کہرا پڑنے کا امکان۔

آلودگی کی بات کی جائے تو حالات برے ہیں اور آج لاہور دنیا بھر کے شہروں میں آلودگی کے اعتبار سے پانچویں نمبر پر ہے۔

قائد اعظم انڈسٹریل اسٹیٹ کا علاقہ 452 اے کیو آئی کے ساتھ پہلے، جوہر ٹاؤن بلاک اے کا علاقہ 416 اے کیو آئی کیساتھ دوسرا آلودہ ترین علاقہ ہے۔ گڑھی شاہو کا علاقہ 407 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان۔ ہوا میں نمی کا تناسب 94 فیصد تک ہو چکا ہے ۔ آج زیادہ سے زیادہ درجہ حرارت 21 سینٹی گریڈ اور کم سے کم 7 ڈگریڈ رہنے کا امکان ہے۔