شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں تیسرے نمبر پر

(اسیس علی) آج پیر ہے فروری کی 20 تاریخ عیسوی سال 2023، رجب کی 28 اور قمری سال 1444 جبکہ 08 پھگن اور دیسی کیلینڈر کا 2079 واں سال ہے۔

ملک کے بیشتر میدانی علا قوں میں موسم خشک جبکہ بالائی علاقوں میں سرد/ مطلع جزوی ابر آلود رہنے کے علاوہ خطہ پوٹھوہار،بالائی خیبر پختونخوا، کشمیر اورگلگت بلتستان میں تیز ہواوٗں اورگرج چمک کے ساتھ بارش / برفباری اور چند مقامات پرژالہ باری کی توقع۔

آلودگی کی بات کی جائے تو حالات ندتر ہیں اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔

گلبرگ 2 بلاک پی کا علاقہ 373 اے کیو آئی کے ساتھ پہلے نمبر پر، کینٹ کا علاقہ 364 اے کیو آئی کیساتھ دوسرا آلودہ ترین علاقہ ہے۔ سید مراتیب علی روڈ کا علاقہ 334 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان ہے۔ ہوا میں نمی کا تناسب 80 فیصد تک ہو چکا ہے ۔ آج زیادہ سے زیادہ درجہ حرارت 29 سینٹی گریڈ اور کم سے کم 15 ڈگریڈ رہنے کا امکان ہے۔