شہر لاہور کا موسم، 2 بجے تک بارش رہنے کا امکان، فضائی آلودگی میں لاہور دنیا بھر میں دسویں نمبر پر

(اسیس علی) آج جمعہ ہے جنوری کی 20 تاریخ عیسوی سال 2023، جمادی الثانی کی 27 اور قمری سال 1444 جبکہ 07 ماگھ اور دیسی کیلینڈر کا 2079 واں سال ہے۔

بالائی خیبر پختونخواہ،کشمیر، گلگت بلتستان ، شمالی پنجاب اور شمالی بلو چستان میں چند مقا مات پر گرج چمک کے ساتھ بارش اور پہاڑوں پر برفباری متوقع۔

آلودگی کی بات کی جائے تو حالات برے ہیں اور آج لاہور دنیا بھر کے شہروں میں آلودگی کے اعتبار سے دسویں نمبر پر ہے۔

شاہدرہ کا علاقہ 261 اے کیو آئی کے ساتھ پہلے نمبر پر، گلبرگ III کا علاقہ 246 اے کیو آئی کیساتھ دوسرا آلودہ ترین علاقہ ہے۔ گڑھی شاہو کا علاقہ 186 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں 2 بجے تک بارش اور بعد میں آسمان ابر آلود رہنے کا امکان۔ ہوا میں نمی کا تناسب 80 فیصد تک ہو چکا ہے ۔ آج زیادہ سے زیادہ درجہ حرارت 14 سینٹی گریڈ اور کم سے کم 06 ڈگریڈ رہنے کا امکان ہے۔