شہر لاہور کا موسم، تیز بارش کا امکان، فضائی آلودگی میں لاہور دنیا بھر میں پہلے نمبر پر

(اسیس علی) آج پیر ہے مارچ کی 20 تاریخ عیسوی سال 2023، شعبان کی 27 اور قمری سال 1444 جبکہ 07 چیت اور دیسی کیلینڈر کا 2080 واں سال ہے۔

خیبر پختونخوا، جنوبی بلوچستان، بالائی پنجاب، زیریں سندھ اور کشمیرمیں آندھی/ تیز ہواؤں اور گرج چمک کے ساتھ بارش کا امکان ۔ ملک کے دیگرعلا قوں میں مطلع جزوی ابرآلود/ابر آلود رہے گا۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

ڈی ایچ اے فیز 8 کا علاقہ 372 اے کیو آئی کے ساتھ پہلے نمبر پر، آصف ٹاؤن کا علاقہ 288 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 5 سیکٹر بی کا علاقہ 276 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں 12 سے 3 P.M تک تیز بارش اور بعد میں آسمان ابر آلود رہنے کا امکان ہے۔ ہوا میں نمی کا تناسب 60 فیصد تک ہو چکا ہے ۔ آج زیادہ سے زیادہ درجہ حرارت 24 سینٹی گریڈ اور کم سے کم 14 ڈگریڈ رہنے کا امکان ہے۔