شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں پہلے نمبر پر

(مائرہ ارجمند) آج اتوار ہے نومبر کی 20 تاریخ عیسوی سال 2022، ربیع الثانی کی 24 اور قمری سال 1444 جبکہ 6 مگھر اور دیسی کیلینڈر کا 2079 واں سال ہے۔

ملک کے بیشتر بالائی علاقوں میں موسم سرد اور مطلع جزوی ابر آلود رہے گا۔ تا ہم گلگت بلتستان میں چند مقامات پرہلکی بارش اور ہلکی برفباری کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

شاہدرہ کا علاقہ 343 اے کیو آئی کے lھ پہلے جبکہ واپڈا ٹاؤن بلاک B1 کا علاقہ 312 اے کیو آئی کیساتھ دوسرا آلودہ ترین علاقہ ہے۔ گلبرگ کی واپڈا ٹاؤن بلاک ای 1 کا علاقہ 289 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف اور دھوپ رہنے کا امکان۔ ہوا میں نمی کا تناسب 62 فیصد تک ہو چکا ہے ۔ آج زیادہ سے زیادہ درجہ حرارت 25 سینٹی گریڈ اور کم سے کم 15 ڈگریڈ رہنے کا امکان ہے۔