شہر لاہور کا موسم، گرج چمک کے ساتھ تیز بارشوں کا سلسلہ جاری، ہوائی آلودگی میں کمی

(مائرہ ارجمند) آج جمعرات ہے جولائی کی 21 تاریخ عیسوی سال 2022، ذوالحج کی 21 اور قمری سال 1443 جبکہ 06 ساون اور دیسی کیلینڈر کا 2079 واں سال ہے۔

کشمیر، پنجاب، اسلام آباد، خیبرپختونخوا، گلگت بلتستان اور شمال مشرقی بلوچستان میں تیز ہواؤں اور گرج چمک کے ساتھ مزید بارش کا امکان ۔ کشمیر، اسلام آباد، پنجاب اور خیبر پختونخوا میں کہیں کہیں موسلادھار بارش متوقع۔

آلودگی کی بات کی جائے تو صورتحال بہتر ہے اور آج لاہور دنیا بھر کے شہروں میں آلودگی کے اعتبار سے اکھترویں نمبر پر ہے۔

لاہور کا مجموعی اے کیو آئی یعنی ائیر کوالٹی انڈیکس 25 ہے ۔

لاہور میں ٹھوکر نیاز بیگ کا علاقہ 157 اے کیو آئی کے ساتھ پہلے جبکہ کوٹ لکھپت اور قائد اعظم انڈسٹریل اسٹیٹ 152 اے کیو آئی کیساتھ دوسرا آلودہ ترین علاقہ ہے ۔ ایف سی کالج کا علاقہ 146 اے کیو آئی کیساتھ تیسرے نمبر پر ہے ۔

محکمہ موسمیات کے مطابق آنے والے 24 گھنٹوں کے دوران لاہور گرج چمک کے ساتھ تیز بارشوں کا سلسلہ جاری رہے گا اور ہوا میں نمی کا تناسب 100 فیصد تک ہو چکا ہے ۔ آج زیادہ سے زیادہ درجہ حرارت 26 ڈگری سینٹی گریٖڈ اور کم سے کم 23 ڈگری رہنے کا امکان ہے۔