شہر لاہور کا موسم، آسمان ابرآلود رہے گا اور موسم گرم رہنے کا امکان، ہوائی آلودگی میں لاہور دوسرے نمبر پر

(مائرہ ارجمند) آج پیر ہے اگست کی 22 تاریخ عیسوی سال 2022، محرم کی 24 اور قمری سال 1444 جبکہ 06 بھادوں اور دیسی کیلینڈر کا 2079 واں سال ہے۔

شمال مشرقی بلوچستان ، بالائی سندھ، خیبرپختونخوا ،جنوبی/شما ل مشرقی پنجاب، کشمیر اور گلگت بلتستان میں تیزہواؤں اور گرج چمک کے ساتھ بارش کا امکان ۔ اس دوران شمال مشرقی بلوچستان اورجنوبی پنجاب میں چند مقامات پرموسلادھار بارش کی توقع۔

آلودگی کی بات کی جائے تو حالات بدتر ہے اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔

لاہور کا مجموعی اے کیو آئی یعنی ائیر کوالٹی انڈیکس 158 ہے۔

کنال روڈ کا علاقہ 169 اے کیو آئی کے ساتھ پہلے جبکہ ڈی ایچ اے فیز 7 اور گردونواح کا علاقہ 169 اے کیو آئی کیساتھ دوسرا آلودہ ترین علاقہ ہے ۔ جوہر ٹاؤن کا علاقہ 167 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور آسمان ابرآلود رہے گا اور موسم گرم رہنے کا امکان۔ ہوا میں نمی کا تناسب 75 فیصد تک ہو چکا ہے ۔ آج زیادہ سے زیادہ درجہ حرارت 36 سینٹی گریڈ اور کم سے کم 28 ڈگریڈ رہنے کا امکان ہے۔