شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں تیسرے نمبر پر

(اسیس علی) آج جمعرات ہے دسمبر کی 22 تاریخ عیسوی سال 2022، جمادی الاول کی 27 اور قمری سال 1444 جبکہ 08 پوہ اور دیسی کیلینڈر کا 2079 واں سال ہے۔

ملک کے بیشترعلاقوں میں موسم سرد اور خشک جبکہ شمالی علاقوں اور شمالی بلوچستان میں شدید سرد رہے گا۔ پنجاب ،خیبرپختونخوا کے میدانی علاقوں اور بالائی سندھ میں شدید دھند پڑنےکا سلسلہ جاری رہے گا۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔

گڑھی شاہو کا علاقہ 496 اے کیو آئی کے ساتھ پہلے، گلبرگ III کا علاقہ 401 اے کیو آئی کیساتھ دوسرا آلودہ ترین علاقہ ہے۔ قائد اعظم انڈسٹریل اسٹیٹ کا علاقہ 368 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں 1 بجے تک آسمان ابر آلود اور بعد میں صاف رہنے کا امکان۔ ہوا میں نمی کا تناسب 92 فیصد تک ہو چکا ہے ۔ آج زیادہ سے زیادہ درجہ حرارت 17 سینٹی گریڈ اور کم سے کم 6 ڈگریڈ رہنے کا امکان ہے۔