شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں پانچویں نمبر پر

(اسیس علی) آج بدھ ہے فروری کی 22 تاریخ عیسوی سال 2023، شعبان کی 01 اور قمری سال 1444 جبکہ 10 پھگن اور دیسی کیلینڈر کا 2079 واں سال ہے۔

لک کے بیشتر علا قوں میں موسم خشک جبکہ پہاڑی علاقوں میں سرد رہے گا۔تاہم رات اور صبح کے اوقات میں قدرے سرد ہو گا۔

آلودگی کی بات کی جائے تو حالات بہتر ہیں لیکن ہوا اب بھی غیر صحت بخش ہے اور آج لاہور دنیا بھر کے شہروں میں آلودگی کے اعتبار سے پانچویں نمبر پر ہے۔

شاہدرہ کا علاقہ 256 اے کیو آئی کے ساتھ پہلے نمبر پر، ڈی ایچ اے فیز 8 کا علاقہ 256 اے کیو آئی کیساتھ دوسرا آلودہ ترین علاقہ ہے۔ آصف ٹاؤن کا علاقہ 218 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان ہے۔ ہوا میں نمی کا تناسب 52 فیصد تک ہو چکا ہے ۔ آج زیادہ سے زیادہ درجہ حرارت 27 سینٹی گریڈ اور کم سے کم 12 ڈگریڈ رہنے کا امکان ہے۔