شہر لاہور کا موسم، آسمان ابر آلود رہنے کا امکان، فضائی آلودگی میں کمی اور ہوا صاف

(اسیس علی) آج اتوار ہے اپریل کی 23 تاریخ عیسوی سال 2023، شوال کی 02 اور قمری سال 1444 جبکہ 10 ویساکھ اور دیسی کیلینڈر کا 2080 واں سال ہے۔

ملک کے بیشتر علاقوں میں موسم خشک جبکہ جنوبی علاقوں میں گرم رہے گا ۔ سندھ ، بلوچستان اور پنجاب کے میدانی علاقوں میں بعداز دوپہر تیز/گرد آلود ہوائیں چلنے کا امکان۔

آلودگی کی بات کی جائے تو حالات بہتر ہیں، ہوا صاف ہے اور آج لاہور دنیا بھر کے شہروں میں آلودگی کے اعتبار سے ترسٹھ نمبر پر ہے۔

شاہدرہ کا علاقہ 95 اے کیو آئی کے ساتھ پہلے نمبر پر، ایڈن کاٹیجز کا علاقہ 64 اے کیو آئی کیساتھ دوسرا آلودہ ترین علاقہ ہے۔ اپر مال سکیم کا علاقہ 59 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آمسان جزوی طور پر ابر آلود رہنے کا امکان ہے۔ ہوا میں نمی کا تناسب 33 فیصد تک ہو چکا ہے ۔ آج زیادہ سے زیادہ درجہ حرارت 34 سینٹی گریڈ اور کم سے کم 19 ڈگریڈ رہنے کا امکان ہے۔