شہر لاہور کا موسم، آسمان آج بھی ابرآلود اور موسم گرم رہنے کا امکان، ہوائی آلودگی میں لاہور دوسرے نمبر پر
(مائرہ ارجمند) آج منگل ہے اگست کی 23 تاریخ عیسوی سال 2022، محرم کی 25 اور قمری سال 1444 جبکہ 07 بھادوں اور دیسی کیلینڈر کا 2079 واں سال ہے۔
سندھ، خیبرپختونخوا ، پنجاب، مشرقی بلوچستان ، کشمیر اور گلگت بلتستان میں تیزہواؤں اور گرج چمک کے ساتھ بارش کا امکان ۔ اس دوران شمال مشرقی بلوچستان، سندھ اور جنوبی پنجاب میں کہیں کہیں پرموسلادھار بارش کی توقع۔
آلودگی کی بات کی جائے تو حالات بدتر ہے اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔
لاہور کا مجموعی اے کیو آئی یعنی ائیر کوالٹی انڈیکس 157 ہے۔
شاہدرہ کا علاقہ 218 اے کیو آئی کے ساتھ پہلے جبکہ شیخ زید ہسپتال اور گردونواح کا علاقہ 179 اے کیو آئی کیساتھ دوسرا آلودہ ترین علاقہ ہے ۔ کوٹ لکھپت اور قائد اعظم انڈسٹریل اسٹیٹ کا علاقہ 175 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور آسمان ابرآلود رہے گا اور موسم گرم رہنے کا امکان۔ ہوا میں نمی کا تناسب 73 فیصد تک ہو چکا ہے ۔ آج زیادہ سے زیادہ درجہ حرارت 36 سینٹی گریڈ اور کم سے کم 28 ڈگریڈ رہنے کا امکان ہے۔
