شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں تیسرے نمبر پر

(اسیس علی) آج جمعرات ہے فروری کی 23 تاریخ عیسوی سال 2023، شعبان کی 02 اور قمری سال 1444 جبکہ 11 پھگن اور دیسی کیلینڈر کا 2079 واں سال ہے۔

ملک کے بیشترعلا قوں میں موسم خشک جبکہ پہاڑی علاقوں میں رات اور صبح کے اوقات میں سرد ہو گا۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔

علامہ اقبال ٹاؤن عمر بلاک کا علاقہ 232 اے کیو آئی کے ساتھ پہلے نمبر پر، کینال بینک ہاؤسنگ سکیم کا علاقہ 227 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 8 کا علاقہ 227 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف اور دھوپ رہنے کا امکان ہے۔ ہوا میں نمی کا تناسب 33 فیصد تک ہو چکا ہے ۔ آج زیادہ سے زیادہ درجہ حرارت 28 سینٹی گریڈ اور کم سے کم 12 ڈگریڈ رہنے کا امکان ہے۔