شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں ساتویں نمبر پر

(اسیس علی) آج پیر ہے جنوری کی 23 تاریخ عیسوی سال 2023، جمادی الثانی کی 30 اور قمری سال 1444 جبکہ 10 ماگھ اور دیسی کیلینڈر کا 2079 واں سال ہے۔

ملک کے بیشتر میدانی علاقوں میں موسم سرد اور خشک رہے گا۔ تاہم بالائی خیبر پختونخواہ،کشمیراور گلگت بلتستان میں چند مقامات پر ہلکی بارش اور پہاڑوں پر ہلکی برفباری متوقع۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے ساتویں نمبر پر ہے۔

گلبرگ III کا علاقہ 246 اے کیو آئی کے ساتھ پہلے نمبر پر، ڈی ایچ اے فیز 8 کا علاقہ 239 اے کیو آئی کیساتھ دوسرا آلودہ ترین علاقہ ہے۔ کینال بینک ہاؤسنگ سوسائٹی کا علاقہ 225 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان۔ ہوا میں نمی کا تناسب 58 فیصد تک ہو چکا ہے ۔ آج زیادہ سے زیادہ درجہ حرارت 19 سینٹی گریڈ اور کم سے کم 08 ڈگریڈ رہنے کا امکان ہے۔