شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں دوسرے نمبر پر

(اسیس علی) آج جمعرات ہے مارچ کی 23 تاریخ عیسوی سال 2023، رمضان کی 01 اور قمری سال 1444 جبکہ 10 چیت اور دیسی کیلینڈر کا 2080 واں سال ہے۔

خیبر پختونخوا، اسلام آباد، پنجاب، سندھ ،بلوچستان، کشمیر اور گلگت بلتستان میں تیز ہواؤں/ آندھی اور گرج چمک کے ساتھ بارش کا امکان ۔ اس دوران چند مقامات پر ژالہ باری کی بھی توقع۔بلوچستان کے شمالی اورشمال مشرقی علاقوں اور خیبر پختو نخوا میں چند مقامات پر موسلادھار بارش کا امکان۔

آلودگی کی بات کی جائے تو حالات برتر ہیں اور آج لاہور دنیا بھر کے شہروں میں آلودگی کے اعتبار سے دوسرے آٹھویں نمبر پر ہے۔

کینٹ کا علاقہ 263 اے کیو آئی کے ساتھ پہلے نمبر پر، آصف ٹاؤن کا علاقہ 237 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 8 آئیوی گرین کا علاقہ 237 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان جزوی طور پر ابر آلود رہنے کا امکان اور کل صبح 5 بجے کے بعد بارش کا امکان ہے۔ ہوا میں نمی کا تناسب 64 فیصد تک ہو چکا ہے ۔ آج زیادہ سے زیادہ درجہ حرارت 27 سینٹی گریڈ اور کم سے کم 17 ڈگریڈ رہنے کا امکان ہے۔