شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں دوسرے نمبر پر

(اسیس علی) آج پیر ہے اپریل کی 24 تاریخ عیسوی سال 2023، شوال کی 03 اور قمری سال 1444 جبکہ 11 ویساکھ اور دیسی کیلینڈر کا 2080 واں سال ہے۔

ملک کے بیشتر علاقوں میں موسم خشک جبکہ جنوبی علاقوں میں گرم رہے گا ۔ سندھ ، بلوچستان اور پنجاب کے میدانی علاقوں میں بعداز دوپہر تیز/گرد آلود ہوائیں چلنے کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔

اپر مال سکیم کا علاقہ 194 اے کیو آئی کے ساتھ پہلے نمبر پر، سید مراتیب علی روڈ کا علاقہ 193 اے کیو آئی کیساتھ دوسرا آلودہ ترین علاقہ ہے۔ گلبرگ 2 بلاک پی کا علاقہ 190 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آمسان صاف اور دھوپ رہنے کا امکان ہے۔ ہوا میں نمی کا تناسب 33 فیصد تک ہو چکا ہے ۔ آج زیادہ سے زیادہ درجہ حرارت 37 سینٹی گریڈ اور کم سے کم 21 ڈگریڈ رہنے کا امکان ہے۔