(اسیس علی) آج جمعہ ہے مارچ کی 24 تاریخ عیسوی سال 2023، رمضان کی 02 اور قمری سال 1444 جبکہ 11 چیت اور دیسی کیلینڈر کا 2080 واں سال ہے۔
خیبر پختونخوا، پنجاب، اسلام آباداورکشمیر میں تیز ہواؤں/ آندھی اور گرج چمک کے ساتھ بارش کا امکان ۔ اس دوران بعض مقامات پر موسلادھار بارش / ژالہ باری کی توقع ۔سندھ اور بلوچستان کے بیشتر اضلاع میں موسم خشک رہے گا۔
آلودگی کی بات کی جائے تو حالات معتدل ہیں اور آج لاہور دنیا بھر کے شہروں میں آلودگی کے اعتبار سے چھپنویں نمبر پر ہے۔
شاہدرہ کا علاقہ 139 اے کیو آئی کے ساتھ پہلے نمبر پر، ڈی ایچ اے فیز 2 سیکٹر آر کا علاقہ 115 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 8 آئیوی گرین کا علاقہ 95 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں پورا دن بارش رہنے کا امکان ہے۔ ہوا میں نمی کا تناسب 73 فیصد تک ہو چکا ہے ۔ آج زیادہ سے زیادہ درجہ حرارت 22 سینٹی گریڈ اور کم سے کم 15 ڈگریڈ رہنے کا امکان ہے۔
