شہر لاہور کا موسم، دھند رہنے کا امکان، فضائی آلودگی میں لاہور دنیا بھر میں پہلے نمبر پر

(مائرہ ارجمند) آج پیر ہے اکتوبر کی 24 تاریخ عیسوی سال 2022، ربیع الاول کی 27 اور قمری سال 1444 جبکہ 10 کاتک اور دیسی کیلینڈر کا 2079 واں سال ہے۔

ملک کے بیشترعلاقوں میں موسم خشک جبکہ پہاڑی علاقوں میں سرد رہے گا۔ تا ہم شام/ رات میں بالائی خیبر پختو نخوا اور گلگت بلتستان میں چند مقامات پر بارش کی تو قع۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

جوہر ٹاؤن بلاک اے کا علاقہ 467 اے کیو آئی کے ساتھ پہلے جبکہ وینس ہاؤسنگ سکیم کا علاقہ 463 اے کیو آئی کیساتھ دوسرا آلودہ ترین علاقہ ہے۔ واپڈا ٹاؤن فیز 1 بلاک ای 1 کا علاقہ 417 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں صبح کے وقت دھند اور دوپہر کے بعد آسمان صاف رہنے کا امکان۔ ہوا میں نمی کا تناسب 54 فیصد تک ہو چکا ہے ۔ آج زیادہ سے زیادہ درجہ حرارت 31 سینٹی گریڈ اور کم سے کم 21 ڈگریڈ رہنے کا امکان ہے۔