(مائرہ ارجمند) آج جمعرات ہے اگست کی 25 تاریخ عیسوی سال 2022، محرم کی 27 اور قمری سال 1444 جبکہ 09 بھادوں اور دیسی کیلینڈر کا 2079 واں سال ہے۔
جمعرات کے روز بلوچستان ، خیبرپختونخوا ، پنجاب،سندھ، کشمیر اور گلگت بلتستان میں تیزہواؤں اور گرج چمک کے ساتھ بارش کا امکان ۔ اس دوران بلوچستان، خیبر پختونخوا، بالائی پنجاب، راولپنڈی، اسلام آباد، کشمیر اور اس سے ملحقہ پہاڑی علاقوں میں کہیں کہیں موسلادھار بارش کی توقع۔
آلودگی کی بات کی جائے تو حالات متعدل ہے اور آج لاہور دنیا بھر کے شہروں میں آلودگی کے اعتبار سے پندرہویں نمبر پر ہے۔
لاہور کا مجموعی اے کیو آئی یعنی ائیر کوالٹی انڈیکس 88 ہے۔
کوٹ لکھپت اور قائد اعظم انڈسٹریل اسٹیٹ کا علاقہ 152 اے کیو آئی کے ساتھ پہلے جبکہ شاہدرہ کا علاقہ 142 اے کیو آئی کیساتھ دوسرا آلودہ ترین علاقہ ہے ۔ انارکلی بازار کا علاقہ 127 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں بارش ہونے کا امکان۔ ہوا میں نمی کا تناسب 77 فیصد تک ہو چکا ہے ۔ آج زیادہ سے زیادہ درجہ حرارت 33 سینٹی گریڈ اور کم سے کم 28 ڈگریڈ رہنے کا امکان ہے۔
