شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں گیارہویں نمبر پر

(اسیس علی) آج اتوار ہے دسمبر کی 25 تاریخ عیسوی سال 2022، جمادی الثانی کی 01 اور قمری سال 1444 جبکہ 11 پوہ اور دیسی کیلینڈر کا 2079 واں سال ہے۔

ملک کے بیشترعلاقوں میں موسم سرد اور خشک جبکہ شمالی علاقوں اور شمالی بلوچستان میں شدید سرد اور مطلع جزوی ابرآلود رہے گا۔ پنجاب ،خیبرپختونخوا کے میدانی علاقوں اوربالائی سندھ میں شدید دھند پڑنےکا سلسلہ جاری رہے گا۔

آلودگی کی بات کی جائے تو حالات برے ہیں اور آج لاہور دنیا بھر کے شہروں میں آلودگی کے اعتبار سے گیارہویں نمبر پر ہے۔

قائد اعظم انڈسٹریل اسٹیٹ کا علاقہ 351 اے کیو آئی کے ساتھ پہلے، گلبرگ 2 بلاک پی کا علاقہ 313 اے کیو آئی کیساتھ دوسرا آلودہ ترین علاقہ ہے۔ گلبرگ III بلاک ای 2 کا علاقہ 297 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان۔ ہوا میں نمی کا تناسب 90 فیصد تک ہو چکا ہے ۔ آج زیادہ سے زیادہ درجہ حرارت 16 سینٹی گریڈ اور کم سے کم 7 ڈگریڈ رہنے کا امکان ہے۔