شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں پہلے نمبر پر

(اسیس علی) آج ہفتہ ہے فروری کی 25 تاریخ عیسوی سال 2023، شعبان کی 04 اور قمری سال 1444 جبکہ 13 پھگن اور دیسی کیلینڈر کا 2079 واں سال ہے۔

ملک کے بیشترعلا قوں میں موسم خشک جبکہ بالائی علاقوں میں جزوی ابرآلود رہے گا۔ تاہم بالائی خیبرختونخواہ ، خطہ پوٹھو ہار،گلگت بلتستان اور کشمیر میں چند مقا مات پر تیز ہواؤں اور گرج چمک کے ساتھ بارش کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

اپر مال کا علاقہ 429 اے کیو آئی کے ساتھ پہلے نمبر پر، ڈی ایچ اے فیز 5 سیکٹر بی کا علاقہ 455 اے کیو آئی کیساتھ دوسرا آلودہ ترین علاقہ ہے۔ آصف ٹاؤن کا علاقہ 362 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف اور دھوپ رہنے کا امکان ہے۔ ہوا میں نمی کا تناسب 77 فیصد تک ہو چکا ہے ۔ آج زیادہ سے زیادہ درجہ حرارت 30 سینٹی گریڈ اور کم سے کم 16 ڈگریڈ رہنے کا امکان ہے۔