شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں دسویں نمبر پر

(اسیس علی) آج بدھ ہے جنوری کی 25 تاریخ عیسوی سال 2023، رجب کی 02 اور قمری سال 1444 جبکہ 12 ماگھ اور دیسی کیلینڈر کا 2079 واں سال ہے۔

ملک کے بیشتر میدانی علاقوں میں موسم سرد اور خشک رہے گا۔ تاہم شمال مشرقی پنجاب ، اسلام آباد، خطہ پوٹھوہار، بالائی خیبر پختونخوا،کشمیراور گلگت بلتستان میں بارش اور پہاڑوں پر برفباری کا امکان۔

آلودگی کی بات کی جائے تو ہوا کل سے بہتر ہے لیکن پھر بھی غیر صحت بخش ہے اور آج لاہور دنیا بھر کے شہروں میں آلودگی کے اعتبار سے دسویں نمبر پر ہے۔

آصف ٹاؤن کا علاقہ 246 اے کیو آئی کے ساتھ پہلے نمبر پر، ڈی ایچ اے فیز 8 آئیوی گرین کا علاقہ 331 اے کیو آئی کیساتھ دوسرا آلودہ ترین علاقہ ہے۔ کوٹ لکھپت، اور قائداعظم انڈسٹریل اسٹیٹ کا علاقہ 276 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں 2 بجے کے بعد آسمان صاف رہنے کا امکان۔ ہوا میں نمی کا تناسب 99 فیصد تک ہو چکا ہے ۔ آج زیادہ سے زیادہ درجہ حرارت 19 سینٹی گریڈ اور کم سے کم 06 ڈگریڈ رہنے کا امکان ہے۔