(مائرہ ارجمند) آج پیر ہے جولائی کی 25 تاریخ عیسوی سال 2022، ذوالحج کی 25 اور قمری سال 1443 جبکہ 10 ساون اور دیسی کیلینڈر کا 2079 واں سال ہے۔
سندھ، بلوچستان، پنجاب،اسلام آباد، خیبرپختونخوا، کشمیر اورگلگت بلتستان میں تیز ہواؤں اور گرج چمک کے ساتھ مزید بارش کا امکان۔ مشرقی/جنوبی بلوچستان، زیریں سندھ اور جنوبی پنجاب میں کہیں کہیں موسلادھار بارش متوقع ۔
آلودگی کی بات کی جائے تو صورتحال بہتر ہے اور آج لاہور دنیا بھر کے شہروں میں آلودگی کے اعتبار سے نویں نمبر پر ہے۔
لاہور کا مجموعی اے کیو آئی یعنی ائیر کوالٹی انڈیکس 93 ہے ۔
لاہور میں کوٹ لکھپت اور قائد اعظم انڈسٹریل اسٹیٹ 160 اے کیو آئی کے ساتھ پہلے جبکہ ٹھوکر نیاز بیگ 157 اے کیو آئی کیساتھ دوسرا آلودہ ترین علاقہ ہے ۔ ڈی ایچ اے فیز 5 کا علاقہ 146 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور کا آسمان ابرآلود اور بارش کا امکان اور ہوا میں نمی کا تناسب 71 فیصد تک ہو چکا ہے ۔ آج زیادہ سے زیادہ درجہ حرارت 31 ڈگری سینٹی گریٖڈ اور کم سے کم 27 ڈگری رہنے کا امکان ہے۔
Aqi Lahore today July 24 2022
