(اسیس علی) آج ہفتہ ہے مارچ کی 25 تاریخ عیسوی سال 2023، رمضان کی 03 اور قمری سال 1444 جبکہ 12 چیت اور دیسی کیلینڈر کا 2080 واں سال ہے۔
ملک کے بیشتر اضلاع میں موسم خشک رہے گا۔تاہم بالائی خیبر پختونخوا، اسلام آباد، شما ل مشرقی پنجاب، خطہ ٔپوٹھوہاراور کشمیر میں تیز ہواؤں/ آندھی اور گرج چمک کے ساتھ بارش کا امکان ۔ اس دوران کشمیر اور ملحقہ پہاڑی علاقوں میں بعض مقامات پر موسلادھار بارش/ ژالہ باری ہو سکتی ہے۔
آلودگی کی بات کی جائے تو حالات معتدل ہیں اور آج لاہور دنیا بھر کے شہروں میں آلودگی کے اعتبار سے پندرہویں نمبر پر ہے۔
ڈی ایچ اے فیز 7 سیکٹر Q کا علاقہ 139 اے کیو آئی کے ساتھ پہلے نمبر پر، اپر مال سکیم کا علاقہ 162 اے کیو آئی کیساتھ دوسرا آلودہ ترین علاقہ ہے۔ گڑھی شاہو کا علاقہ 157 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان اور2 سے 5 P.M تک بارش کا امکان ہے۔ ہوا میں نمی کا تناسب 84 فیصد تک ہو چکا ہے ۔ آج زیادہ سے زیادہ درجہ حرارت 21 سینٹی گریڈ اور کم سے کم 13 ڈگریڈ رہنے کا امکان ہے۔
