شہر لاہور کا موسم، ابر آلود آسمان، فضائی آلودگی میں لاہور دنیا بھر میں دسویں نمبر پر

(مائرہ ارجمند) آج اتور ہے ستمبر کی 25 تاریخ عیسوی سال 2022، صفر کی 28 اور قمری سال 1444 جبکہ 11 اسو اور دیسی کیلینڈر کا 2079 واں سال ہے۔

ملک کے بیشتر بالائی علاقوں میں مطلع جزوی ابر آلود رہنے کے علاوہ شمال مشرقی پنجاب ، کشمیر، بالائی خیبر پختونخوا، اسلام آباد اور گلگت بلتستان میں تیز ہواؤ ں اور گرج چمک کے ساتھ بارش جبکہ چند مقامات پر موسلا دھار بارش متوقع۔ ملک کے دیگر علاقوں میں موسم گرم اور خشک رہے گا۔

آلودگی کی بات کی جائے تو حالات حساس لوگوں کے لیے مضر ہیں اور آج لاہور دنیا بھر کے شہروں میں آلودگی کے اعتبار سے دنیا بھر میں دسویں نمبر پر ہے۔

انارکلی بازار کا علاقہ 154 اے کیو آئی کے ساتھ پہلے جبکہ پنجاب یونیورسٹی کا علاقہ 139 اے کیو آئی کیساتھ دوسرا آلودہ ترین علاقہ ہے ۔ گلبرگ کی سید مراتب علی روڈ کا علاقہ 137 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان۔ ہوا میں نمی کا تناسب 69 فیصد تک ہو چکا ہے ۔ آج زیادہ سے زیادہ درجہ حرارت 28 سینٹی گریڈ اور کم سے کم 24 ڈگریڈ رہنے کا امکان ہے۔