شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں دوسرے نمبر پر

(اسیس علی) آج بدھ ہے اپریل کی 26 تاریخ عیسوی سال 2023، شوال کی 05 اور قمری سال 1444 جبکہ 13 ویساکھ اور دیسی کیلینڈر کا 2080 واں سال ہے۔

ملک کے بیشتر علاقوں میں موسم خشک جبکہ وسطی اور جنوبی علاقوں میں گرم رہے گا ۔ تاہم بالائی خیبرپختونخوا ، گلگت بلتستان ، کشمیر اور ملحقہ پہاڑی علاقوں میں تیز ہواؤں اور گرج چمک کے ساتھ بارش کا امکان ہے۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

ڈی ایچ اے فیز 5 سیکٹر بی کا علاقہ 187 اے کیو آئی کے ساتھ پہلے نمبر پر، گلبرگ 2 بلاک پی کا علاقہ 184 اے کیو آئی کیساتھ دوسرا آلودہ ترین علاقہ ہے۔ کینٹی کا علاقہ 184 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آمسان ابر آلود رہنے کا امکان ہے۔ ہوا میں نمی کا تناسب 32 فیصد تک ہو چکا ہے ۔ آج زیادہ سے زیادہ درجہ حرارت 37 سینٹی گریڈ اور کم سے کم 23 ڈگریڈ رہنے کا امکان ہے۔