شہر لاہور کا موسم، دوپہر کے بعد آسمان صاف رہنے کا امکان، فضائی آلودگی میں لاہور دنیا بھر میں چوتھے نمبر پر

(اسیس علی) آج پیر ہے دسمبر کی 25 تاریخ عیسوی سال 2022، جمادی الثانی کی 02 اور قمری سال 1444 جبکہ 12 پوہ اور دیسی کیلینڈر کا 2079 واں سال ہے۔

ملک کے بیشترعلاقوں میں موسم سرد اور خشک جبکہ بالائی علاقوں میں شدید سرد رہے گا۔تا ہم شام/رات کے اوقات میں شمال اور مغربی بلوچستان میں چند مقامات پر ہلکی بارش اور پہاڑوں پر ہلکی برفباری متوقع۔ پنجاب،خیبرپختونخوا کے میدانی علاقوں اور بالائی سندھ میں شدید دھند پڑنےکا سلسلہ جاری رہے گا۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے چوتھے نمبر پر ہے۔

گلبرگ 2 بلاک پی کا علاقہ 313 اے کیو آئی کے ساتھ پہلے، گڑھی شاہو کا علاقہ 307 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 8 کا علاقہ 297 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان 1 بجے تک ابر آلود اور بعد میں صاف رہنے کا امکان۔ ہوا میں نمی کا تناسب 90 فیصد تک ہو چکا ہے ۔ آج زیادہ سے زیادہ درجہ حرارت 16 سینٹی گریڈ اور کم سے کم 6 ڈگریڈ رہنے کا امکان ہے۔