(مائرہ ارجمند) آج ہفتہ ہے اگست کی 27 تاریخ عیسوی سال 2022، محرم کی 29 اور قمری سال 1444 جبکہ 11 بھادوں اور دیسی کیلینڈر کا 2079 واں سال ہے۔
شمالی بلوچستان ،بالائی خیبرپختونخوا ، شمال مشرقی پنجاب، کشمیر اور گلگت بلتستان میں تیزہواؤں اور گرج چمک کے ساتھ بارش کا امکان ۔ اس دوران بالائی خیبر پختونخوا، کشمیراور گلگت بلتستان میں بعض مقامات پر موسلادھار بارش ہو سکتی ہے ۔ملک کے دیگر علاقوں میں موسم گرم اور مرطوب رہے گا۔
آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔
لاہور کا مجموعی اے کیو آئی یعنی ائیر کوالٹی انڈیکس 140 ہے۔
گلبرگ کی سید مراتب علی روڈ کا علاقہ 165 اے کیو آئی کے ساتھ پہلے جبکہ شاہدرہ کا علاقہ 160 اے کیو آئی کیساتھ دوسرا آلودہ ترین علاقہ ہے ۔ ڈی ایچ اے فیز 2 کا علاقہ 159.5 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں ہلکی بارش ہونے کا امکان۔ ہوا میں نمی کا تناسب 75 فیصد تک ہو چکا ہے ۔ آج زیادہ سے زیادہ درجہ حرارت 33 سینٹی گریڈ اور کم سے کم 28 ڈگریڈ رہنے کا امکان ہے۔
