شہر لاہور کا موسم، آسمان صاف اور دھوپ رہنے کا امکان، فضائی آلودگی میں لاہور دنیا بھر میں آٹھویں نمبر پر

(اسیس علی) آج پیر ہے فروری کی 27 تاریخ عیسوی سال 2023، شعبان کی 06 اور قمری سال 1444 جبکہ 15 پھگن اور دیسی کیلینڈر کا 2079 واں سال ہے۔

ملک کے بیشترعلا قوں میں موسم خشک رہے گا۔ تاہم کشمیر اور گلگت بلتستان میں چند مقامات پر گرج چمک کے ساتھ ہلکی بارش کا امکان۔

آلودگی کی بات کی جائے تو حالات بہتر ہیں لیکن ہوا اب بھی غیر صحت بخش ہے اور آج لاہور دنیا بھر کے شہروں میں آلودگی کے اعتبار سے آٹھویں نمبر پر ہے۔

ڈی ایچ اے فیز 8 کا علاقہ 448 اے کیو آئی کے ساتھ پہلے نمبر پر، کینال بینک ہاؤسنگ سکیم کا علاقہ 195 اے کیو آئی کیساتھ دوسرا آلودہ ترین علاقہ ہے۔ گلبرگ 2 بلاک پی کا علاقہ 188 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف اور دھوپ رہنے کا امکان ہے۔ ہوا میں نمی کا تناسب 47 فیصد تک ہو چکا ہے ۔ آج زیادہ سے زیادہ درجہ حرارت 28 سینٹی گریڈ اور کم سے کم 15 ڈگریڈ رہنے کا امکان ہے۔