شہر لاہور کا موسم،آسمان ابرآلود اور کئی علاقوں میں بادل برسنے کا امکان، ہوائی آلودگی میں اضافہ

(مائرہ ارجمند) آج بدھ ہے جولائی کی 27 تاریخ عیسوی سال 2022، ذوالحج کی 27 اور قمری سال 1443 جبکہ 12 ساون اور دیسی کیلینڈر کا 2079 واں سال ہے۔

سندھ، بلوچستان ،بالائی/وسطی پنجاب،اسلام آباد، خیبرپختونخوا، کشمیر اورگلگت بلتستان میں تیز ہواؤں اور گرج چمک کے ساتھ مزید بارش کا امکان۔ اس دوران کشمیر، بالائی پنجاب ،اسلام آباد، بالائی خیبر پختونخوا،سندھ اور شمال مشرقی/جنوبی بلوچستان میں چند مقا مات پر موسلادھار بارش متوقع ۔

آلودگی کی بات کی جائے تو صورتحال بدتر ہے اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔

لاہور کا مجموعی اے کیو آئی یعنی ائیر کوالٹی انڈیکس 125 ہے ۔

لاہور میں شاہدرہ کا علاقہ 191 اے کیو آئی کے ساتھ پہلے جبکہ کوٹ لکھپت اور قائد اعظم انڈسٹریل اسٹیٹ 173 اے کیو آئی کیساتھ دوسرا آلودہ ترین علاقہ ہے ۔ گلبرگ کی سید مراتب علی روڈ 159 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور کا آسمان ابرآلود اور کئی علاقوں میں بادل برسنے کا امکان۔ ہوا میں نمی کا تناسب 78 فیصد تک ہو چکا ہے ۔ آج زیادہ سے زیادہ درجہ حرارت 31 ڈگری سینٹی گریٖڈ اور کم سے کم 27 ڈگری رہنے کا امکان ہے۔