شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں پانچویں نمبر پر

(اسیس علی) آج پیر ہے مارچ کی 27 تاریخ عیسوی سال 2023، رمضان کی 05 اور قمری سال 1444 جبکہ 14 چیت اور دیسی کیلینڈر کا 2080 واں سال ہے۔

ملک کے بیشتر اضلاع میں موسم خشک رہے گا۔تاہم بالائی خیبر پختونخوا اورگلگت بلتستان میں مطلع جزوی ابر آلود رہنے کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پانچویں نمبر پر ہے۔

سید مراتیب علی روڈ کا علاقہ 193 اے کیو آئی کے ساتھ پہلے نمبر پر، ڈی ایچ اے فیز 8 آئیوی گرین کا علاقہ 189 اے کیو آئی کیساتھ دوسرا آلودہ ترین علاقہ ہے۔ ایڈن کاٹیجز کا علاقہ 176 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں 1 P.M کے بعد آسمان صاف رہنے کا امکان ہے۔ ہوا میں نمی کا تناسب 53 فیصد تک ہو چکا ہے ۔ آج زیادہ سے زیادہ درجہ حرارت 27 سینٹی گریڈ اور کم سے کم 15 ڈگریڈ رہنے کا امکان ہے۔