شہر لاہور کا موسم، دوپہر کے بعد آسمان صاف رہنے کا امکان، فضائی آلودگی میں لاہور دنیا بھر میں پہلے نمبر پر

(اسیس علی) آج اتوار ہے نومبر کی 27 تاریخ عیسوی سال 2022، جمادی الاول کی 02 اور قمری سال 1444 جبکہ 13 مگھر اور دیسی کیلینڈر کا 2079 واں سال ہے۔

ملک کے بیشترعلاقوں میں موسم سرد اورخشک رہے گا۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

وینس ہاؤسنگ سوسائٹی کا علاقہ 491 اے کیو آئی کے ساتھ پہلے جبکہ کوٹ لکھپت اور قائد اعظم انڈسٹریل اسٹیٹ کا علاقہ 486 اے کیو آئی کیساتھ دوسرا آلودہ ترین علاقہ ہے۔ فدا حسین ہاؤس کا علاقہ 461 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں دوپہر سے پہلے آسمان ابر آلود اور دوپہر کے بعد آسمان صاف رہنے کا امکان۔ ہوا میں نمی کا تناسب 53 فیصد تک ہو چکا ہے ۔ آج زیادہ سے زیادہ درجہ حرارت 26 سینٹی گریڈ اور کم سے کم 10 ڈگریڈ رہنے کا امکان ہے۔