شہر لاہور کا موسم، آسمان ابر آلود اور بارش کا امکان، فضائی آلودگی میں لاہور دنیا بھر میں پہلے نمبر پر

(اسیس علی) آج جمعرات ہے دسمبر کی 29 تاریخ عیسوی سال 2022، جمادی الثانی کی 05 اور قمری سال 1444 جبکہ 15 پوہ اور دیسی کیلینڈر کا 2079 واں سال ہے۔

شمال اور مغربی بلوچستان ،خیبر پختو نخوا،بالائی پنجاب ،کشمیر اورگلگت بلتستان میں گرج چمک کے ساتھ بارش اور پہاڑوں پر برفباری متوقع۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

آصف ٹاؤن کا علاقہ 628 اے کیو آئی کے ساتھ پہلے، کوٹ لکھپت اور قائد اعظم انڈسٹریل اسٹیٹ کا علاقہ 587 اے کیو آئی کیساتھ دوسرا آلودہ ترین علاقہ ہے۔ گلبرگ 3 بلاک کا علاقہ 530 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود اور بارش کا امکان۔ ہوا میں نمی کا تناسب 87 فیصد تک ہو چکا ہے ۔ آج زیادہ سے زیادہ درجہ حرارت 13 سینٹی گریڈ اور کم سے کم 9 ڈگریڈ رہنے کا امکان ہے۔